DANAS SE OBILJEŽAVA MEĐUNARODNI DAN DJECE OBOLJELE OD RAKA
Međunarodni dan djece oboljele od raka, obilježava se 15. februara svake godine u cilju podiznju svijesti o problemima sa kojima se suočavaju djeca i adolescenti oboljeli od malignih bolesti.
Prema podacima Instituta za javno zdravlje Crne Gore svake godine, kod više od 300 000 djece, starosti do 19. godina, dijagnosticira je neka vrsta maligne bolesti. Od tog broja, približno 8 do 10 djece živi u nisko razvijenim i srednje razvijenim zemljama sa stopom preživljavanja od oko 20%. Ovaj podatak je u znatnom kontrastu u odnosu na visoko razvijene zemlje, gdje stopa izliječenja od mnogih uobičajenih malignih bolesti kod djece prelazi 80%.
Ove godine se Međunarodni dan života obilježava pod sloganom Bolje preživljavanje, kao dio trogodišnje kampanje za Međunarodni dan djece oboljele od raka (2021 - 2023). Logo kampanje je u formi drveta života čiju krošnju čine otisci ruku djece. Otiscima se prestavljaju stope preživljavanja djece oboljele od raka na nacionalnom, regionalnom i međunarodnom nivou.
Fondacija Budi human se svojim svakodnevnim radom zalaže da omogući da svako dijete ima pravo na šansu za svoje izliječenje, kao i punu podršku na putu do ozdravljenja.
Ispisana još jedna priča o humanosti - prikupljeno preko 22 hiljade eura za nastavak liječenja trinaestogodišnjeg Lazara!
Posredstvom Fondacije Budi human i zahvaljujući solidarnosti ljudi velikog srca, uspješno su prikupljena cjelokupna sredstva za nastavak liječenja Lazara Novićevića (13) iz Plava, koji se bori sa dijagnozom autizma. Putem platforme budihuman.me, prikupljeno je ukupno 22.726 eura, čime je ovom hrabrom dječaku obezbijeđen odlazak na novu terapiju matičnim ćelijama u Turskoj. Osnivač Fondacije Budi human, Goran Jovanović ističe da je ovo još jedna akcija u nizu koja dokazuje koliko možemo postići kada djelujemo zajedno: - Lazareva borba postala je zajednička misija svih nas koji vjerujemo u snagu ljudske solidarnosti. Zahvaljujući građanima velikog srca, ovaj hrabri dječak danas ima priliku da krene dalje, s nadom i boljom prespektivom. Hvala svima koji su pokazali da i dalje postojimo kao društvo koje vidi, čuje i reaguje. Svaki vaš gest podrške pokazali su da zajedno možemo činiti velika djela. Ovaj rezultat je još jedna potvrda da zajedništvo ima moć da mijenja živote. - Fondacija Budi human nastavlja da bude oslonac onima kojima je pomoć najpotrebnija, vjerujući da zajedno možemo učiniti još mnogo. ...
Zapad Banka donirala još 6.000 eura Fondaciji Budi human
Zapad banka je odlučila da u narednih godinu donira još 6.000 eura za liječenje djece koja se bore sa teškim oboljenjima, posredstvom Fondacije Budi human. Aneks ugovora o donaciji potpisale su Lesia Vykhodtseva, predsjednica Upravnog odbora Zapad banke, Dmytro Likhota, član Upravnog odbora Zapad banke i Goran Jovanović, osnivač Fondacije Budi Human. - Zapad banka već godinama pokazuje da društvena odgovornost nije samo naša obaveza, već naša iskrena vrijednost. Saradnja sa Fondacijom Budi human za nas je dokaz koliko zajednički možemo da učinimo za djecu kojima je pomoć najpotrebnija. Zahvaljujemo im na partnerstvu i nastavljamo da ulažemo u projekte koji grade bolje i humanije društvo za sve nas - istakla je Lesia Vykhodtseva, predsjednica Upravnog odbora Zapad banke. - Saradnja sa Zapad bankom za Fondaciju Budi Human ima izuzetnu vrijednost, jer predstavlja konkretan korak ka stvaranju odgovornog društva koje prepoznaje i reaguje na potrebe najmlađih. Kada kompanije poput Zapad banke prepoznaju važnost podrške djeci, nastaju partnerstva koja donose stvarne promjene u životima onih kojima je pomoć najpotrebnija. Ponosni smo što je Zapad banka godinama uz nas i što kontinuirano podržava našu misiju. Vjerujemo da zajedničkim naporima možemo graditi društvo u kojem briga o djeci postaje standard odgovornog djelovanja. - Goran Jovanović, osnivač Fondacije Budi Human Višegodišnja saradnja Zapad banke sa Fondacijom Budi Human potvrđuje stratešku opredijeljenost Zapad banke da djeluje odgovorno u svim segmentima društva, a posebno u stvaranju bolje budućnosti za najmlađe....